(الجزء العشرون) اجمل قصة حب للكاتبة ملك إبراهيم
كرولين / ماتقلقيش ياروحي جاهزت كل حاجه وعلي ما عمر يرجع من السفر هتكون كل حاجه جاهزه
سرين / اوكي يا كوكي انتي عارفه اني مشغوله بالفستان والاستعدادت الخاصه بيا كتير انا عايزه اكون اجمل عروسه في العالم كله
كرولين / يا روحي انتي اجمل عروسه من غير اي حاجه ومتأكده انك هتجنني عمر بجمالك يوم الفرح
سرين / بس عمر ماقلش هيغيب كام يوم
كرولين / ماتقلقيش اكيد هيكون هنا قبل الفرح انتي عارفه ظروف شغله والمشكله الا حصلت في شركته دي اتضطر انه يسافر بسرعه
سرين / اوكي يا كوكي انا مطمنه طول ما انتي في حياتي بحبك
كرولين / بحبك اكتر ياروحي بااي
نظر لها كريم بمكر بعد ان انهت مكالمتها
كريم / هو الباشا ابنك مقالش مسافر فين
كرولين / في ايه يا كريم انت بتتكلم عن عمر كدا ليه
شعر كريم بأنه سوف يفض@ح نفسه امامها وهو يتحدث عن عمر بهذه الطريقه
كريم / مفيش يا حبيبتي انا بس زعلان علشانك انتي تعبه نفسك في تحضيرات فرحه وهو ولا في دماغه
كرولين / ماتقلقش انا بعمل كل حاجه وانا سعيده جدا انا عايزه فرح عمر يتكلم عنه العالم كله
نظر لها بس@خريه ومكر
كريم / اه طبعا لازم العالم كله يتكلم عن الفرح ده
دخلت هنا مكتب نادين وهي تنظر لها بغضب
عندما رأتها نادين علمت سبب غضبها
وقفت نادين من مكانها سريعا وهي تحاول شرح لها لماذا لم تخبرها بأن المالك الحقيقي لهذه الشركه هو عمر المنياوي زوجها
نادين / هنا اهدي كدا وانا هفهمك كل حاجه
نظرت لها هنا بغي@ظ
هنا / هتفهميني ايه بالظبط ان انتي صديقة خالد وفي نفس الوقت موظفه عند عمر
نادين / لاء انا بصراحه اول مره اشوف فيها خالد لما جيتوا مع بعض عندي
رفعت هنا حاجبها بستغراب
هنا / طب ازاي دا انتوا فضلتوا تتكلموا مع بعض قدامي وكأنكم متربين مع بعض مش اصدقاء وبس
نادين / انا هقولك كل الا حصل بس بالله عليكي ماتزعليش
فلاش باك
كانت نادين تعمل في مكتبها وتفاجأت بهاتفها يعلن عن اتصال من عمر ردت سريعا عليه فهي تجمعها مع عمر صداقة قويه تحمل الكثير من التقدير له والامتنان لمساعدته الدائما لها ووقوفه معها في اصعب المواقف لذا لن تتردد لحظه واحده في اي مساعده يطلبها منها
ردت عليه نادين بترحاب شديد
نادين / اهلا يابشمهندس لسه فاكرنا
رد عليها عمر بأنجاز
عمر / نادين انا محتاج منك خدمه ضروري جداا
تفاجأت كثيرا من نبرة صوته القلقه
نادين / خير ياعمر انا تحت امرك في اي حاجه
