ليتني لم افعل كاااااااملة
شد شاهين البنت وقالت بعص-ب-ية - ساندي.!
لفت ساندي لشاهين وردت بعصب-ية - نعم.! عايز اي من زِف-ت الطين ساندي.!
لفت لياسر - ربنا يبتليك بمص-يبة تعرفَك يعني اي أم.
سابتهم ومِشَت وشاهين بص لياسر وحسين اللي فضلوا في المكتب - في اي.؟
سابهم ياسر هو كمان ومِشى وشاهين ربَّع إيده وبص لحسين - هتقول ولا هتمشي أنتَ كمان.!
خرج ياسر من الشركة وروَّح البيت لما مَـ لقهاش في مكان عُمال النظافة في الشركة، فتحتله الباب وقالت بإستغراب - تعرف يا ياسر البنت اللي كـ...
قاطع كلامها وهو بيزعق وبيضر-ب الحيطة جنبه - مين قالك تقولي إني إبنك.! أنا مِش قايل طول ما احنا في الشركة سوا محدش يعرف.!
طبطبت على صدره وقالت وهي لسة محتفظة ببسمتها الجميلة رغم الدموع اللي متجمعة في عنيها - يعني كنت هسيبك من غير أكل.! لأ لأ دانا ميهونش عليا أبدًا يا ضنايا.
زق إيدها - بلا ضناكِ بلا بتاع..
لف ضهره وكمِل وهو بيزق الكرسي برجله - ليه اتودلت إبن ز-بالة.! لي مِش ابن مليونير.!
طلع تلفونه ودخل البلكونة وهو بيتصل على حسين صاحبه - الو يا حسين.. هاتلى عنوان دار المسنين اللي كنت بتقولي عليها..
#أمل_صالح.
#ليتني_لم_أفعل.
يتبع....♥️
طلع تلفونه ودخل البلكونة وهو بيتصل على حسين صاحبه - الو يا حسين.. هاتلى عنوان دار المسنين اللي كنت بتقولي عليها..
- لي قررت توافق دلوقتي على اقتراحي.! بعدين أنت فاكر لما تيجي تقولي إن واحد صاحبك عنده أم مِش بيطيقها هصدقك.!
- خلاص يعم انجز.
ملَّاه العنوان وهو دخل ليها، كانت واقفة في المطبخ ولما حست بيه قالت بفرحة - متزعلش مني يا قلب أمك، بُص.. بُص جبت لحمة عشانك النهاردة..!
ربَّع ايده - مرة فراخ ومرة لحمة، أنتِ بتشحتيهم منين.!
- اخص عليك! أنا هشحت برضو.! دنا جايباهم بفلوس الـ...
شاور بإيده - بس بس هتحكي قصة حياتك.! تعالي لمي هدومك..
كمِل بتريقة - قصدي الحتتين اللي بتغيري فيهم.
سابت المعلقة وسألته - لي.! رايحين في حتة.!
- آه، بسرعة يلا عشان معتش طايق أكتر مِن كدا.
- طب استني اجيب كيسة سودا احطهم فيها.
- كيسة سودا.! يارب انا مضطر استحمِل قد اي كمان.!
بالفعل لمت هدومها بحُسن نية وهي مِش عارفة تمامًا هو ناوي على اي، وقفت قصاده وشاورت على هدوم فوق - معلش يا ضنايا تعالى هاتلى اللي فوق د...
وقبل ما تكمل كلامها راح زقهم فَـ وقعوا على الأرض، وطت تجيبهم عادي، وكأنها متعودة على دا منه.!
فتح باب الشقة وهي وراه، لفت طرحتها ببساطة وقالت وهي بتبتسم - استنى اطفي على اللحمة عشان لما نرجع ناكلها سوا.
مكنتش تعرف إنها راحة بدون رجعة.. راحة للأبد..
